Det gjer ikkje noko at saumane viser
Den har blitt lagt inn, og lagt ut att
Sprukne arr over heile himmelen
Gyldne stikk mellom springande trær
Syr sollyset inn på netthinna
Vi stod opp før vi sovna
Alt er bakvendt og opp ned
Og sanninga kjem for ein dag
Kjem for ein morgon
Kjem for svulmande auger
Hausten er komen. Lufta pirkar i huda, og plantar raude blomar i solbrun hud. Epler rotnar i bakken. Over marken flyg fuglane bort, no er han fri frå fugl og fiskar. Lange skjerf skrapar i grusen og drar med seg blindpassasjerar. Vi skal setja dei av under lauva, under trea.
Så drikk vi gravøl for sumaren. Kvar regndråpe skal skålast for. Kvar skjelving krevjar ein fest. Nuppar i huda held fest i frosta. Tida har komen for det siste. Det siste barbeinte sprang. Det siste varmande sollys. Kvit sol gjer alt klarare. Vi leikar så vidunderleg mykje. No med vekst, no med råte.